Көмір саудасында делдалдар азайып келеді. Мұндай нәтижеге саланы биржаға өткізу арқылы қол жеткізілген. Бәсекелестікті қорғау және дамыту агенттігінің хабарлауынша, қазіргі таңда халық көмірді заңды өңірлік операторлардан сатып алады. Ал оларға тікелей өндірушілерден жеткізіледі.
Бұған дейін кей өндірушілер көмірдің 97 пайызын делдалдарға сатқан. Алыпсатарлар бағаны 40-45 пайызға қымбаттатып, көмір тұйықтарына жеткізген. Жаңа талап бойынша өндірушілер көмірдің, кемі 10 пайызын, әйтпесе тең жартысын биржаға шығаруы тиіс. Болашақта оны 80 пайызға дейін жеткізу жоспарланып отыр.
