19 желтоқсан күні сағат 02:37-де «Сайман» дүкенінің құрылыс материалдары қоймасында өрт шықты. Аэрозольдік бояулар, пенополиуретанды, силиконды желім мен герметик өртенді.
Оқиға орнына жедел жеткен өрт сөндірушілер өрттің таралуына жол бермей, сағат 03:06-да оны оқшаулап, 03:44-те өртті толықтай сөндірді.
Өрттің жалпы аумағы 60 шаршы метрді құрады. Оқиға салдарынан зардап шеккендер мен қаза тапқандар жоқ.
Өртті сөндіруге Шымкент қалалық Төтенше жағдайлар департаментінен 38 қызметкер мен 6 бірлік техника, сондай-ақ Апаттар медицинасы орталығынан 3 қызметкер мен 1 бірлік техника жұмылдырылды.
