Арыстанғани Заппаров Түркістан облысының Полиция департаментінің бастығы болып тағайындалды. Ол 1969 жылы Жамбыл облысында дүниеге келген. Әл-Фараби атындағы Қазақ мемлекеттік ұлттық университетін және Қазақстан Республикасы ІІМ Академиясының Заң институтын тәмамдаған. Полиция генерал-майоры.
Ішкі істер органдарында 1993 жылдан бері қызмет атқарып келеді. Әр жылдары Алматы, Ақмола, Ақтөбе, Қызылорда облыстарында және көліктегі полиция бөлімшелерінде басшылық лауазымдарда жұмыс істеген. Сондай-ақ Қазақстан Республикасы Ішкі істер министрінің орынбасары қызметін атқарған.
Тағайындауға дейін Алматы қаласы Полиция департаментін басқарды.
