Ұйымдасқан қылмыстың топтың жолы кесілді. Ұлттық қауіпсіздік комитеті Ішкі істер министрлігімен бірлесе отырып, Бас прокуратураның үйлестіруімен жедел операция жүргізді. Нәтижесінде 20 адам ұсталып, олардың 10-ы уақытша ұстау изоляторына қамалды.
Тінту шаралары кезінде күдіктілерден атыс қаруы мен оқ-дәрілер, есірткі заттары, ірі көлемдегі ақша қаражаттары және басқа да заттай дәлелдемелер тәркіленді. Күдіктілер, қару-жарақты заңсыз сақтап, ұрлықы көліктерді заңдастырып, заңға қайшы әрекеттермен айналысқан.
ҚАЙЫРЛЫ АХМЕТ, ҚР ҰҚК РЕСМИ ӨКІЛІ: «Арнайы іс-шара барысында қару-жарақты заңсыз өткізу және сақтау, қорқытып алу, ұрланған автокөліктерді заңдастыру, сондай-ақ өзге де ауыр қылмыстарға қатысы бар бірқатар қылмыстық топтардың әрекеттері әшкереленді. Операция бір мезгілде Алматы және Шымкент қалаларында, сондай-ақ Ақтөбе, Алматы, Шығыс Қазақстан, Жамбыл облыстарында, Абай және Жетісу облыстарының аумақтарында жүргізілді».
Айта кетейік, қазіргі таңда аталған факті бойынша сотқа дейінгі тергеп-тексеру амалдары жүргізіліп жатыр. Ал, өзге ақпараттар Қазақстан Республикасының Қылмыстық-процестік кодексінің 201-бабына сәйкес жария етуге жатпайды.
Нұргүл Жолымбетова
