Қарағандыға көмек! Су тасқынынан зардап шеккен тұрғындарға жәрдем ету жалғасуда. Бүгін облыстан орталық өңірге 9,5 тонна гуманитарлық көмек жөнелтілді. Жергілікті қамқор жандардан азық-түлік, киім кешек, тұрмысқа қажетті заттар молынан жиналыпты.
[youtube]https://www.youtube.com/watch?v=3NR1CTfPUTo[/youtube]
Қайырымдылық керуені Достық үйіндегі қабылдау нүктесіне аялдады. Мұнда ерлер мен әйелдер және балалар киім-кешегі рет-ретімен оралған. Жанашыр азаматтар азық-түліктің де түрін-түрін үйіп тастапты. Ұн -нан өнімдері, тіпті, консервіленген ет те бар. Күнгейде өсірілген картоп та қарағандылықтарға жіберіледі. Тоғыз тоннадан астам жүктің жиналуына облыс жұртшылығы бір кісідей атсалысып отыр.
Бұл — облыстан жөнелтілген алғашқы керуен. Ұйымдастырушылар қорға жиналған киім-кешек пен тұрмыстық бұйымдарды сұрыптап, тек жаңасын әрі сапалысын ғана буып-түйіп, жүк көлігіне арттық дейді.
