Мереке қарсаңында тағы бір жағымды жаңалық. Шымкентте 85 жылдық тарихы бар қалалық медицина колледжінің жаңа оқу-клиникалық корпусы ашылды.
8 мамандық бойынша дәрігерлерді дайындайтын оқу базасының ашылу рәсіміне облыс басшысының өзі қатысты. Жаңа ғимаратты аралап, болашақ дәрігерлерге жасалған жағдаймен танысты.
Оқу-клиникалық орталықта 16 кабинет пен 8 зертхана бар. Сондай-ақ, дәрі-дәрмектер сақталатын 5 бөлмесі мен бірнеше оқу кабинеті қарастырылған. Мұнда студенттер симуляциялық жабдықтармен, яғни, адам ағзасына сәйкестендірілген фантом, муляждармен тікелей жұмыс жасайды.
Сонымен қатар іс-тәжірибеде жүрген орта білімді медицина қызметкерлері де жаңа мекемеде көбіне теориялық сабақтарды өткізіп, толықтай біліктілігін арттыруына болады.
