Шымкентте мемлекеттік қызметке тест тапсыру мекенжайы өзгерді. Бұл туралы Қазақстан республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Оңтүстік Қазақстан облысы бойынша департаменті хабарлайды.
«Б» корпусының мемлекеттік-әкімшілік лауазымдарына және құқық қорғау органдарындағы қызметке үміткерлерді, сондай-ақ, мемлекеттік қызметшілерді кешенді аттестациялау үшін қажет жаңа тестілеу залы Шымкент қаласы, Әліби Жангелдин көшесі, №17 ғимаратқа ауысты. «Эврика» дүкенінің артында, бұрынғы Шымкент қалалық білім бөлімі мекемесінің ғимараты.
Ақпарат алу үшін департаменттің 8(7252) 53-70-89, тест орталығының 8(7172) 97-83-23 телефондарына хабарласуға болады.
