Шымкентте өрік ағаштары гүлдеді.
Ерте бүр жарған жеміс ағаштары үшін тұрғындар алаңдаулы. «Үсік ұрып кете ме» деп уайымдайды. Ал синоптиктер алаңдауға негіз жоқ деп отыр. Шуақты күндер аптаның соңына дейін сақталады. Өңір аумағында ауа температурасы +18+24 градусқа дейін ысиды. Тек демалыс күндері аздап жауын шашын болады, сынап бағанасы біршама төмендейді, алайда жылылық сақталады.
Салтанат Қоныс, инженер-синоптик: «Наурыз айында ауа – райы жылы болады. Үсік болмайды. Төлеби мен Созақ аудандарында ауа температурасы шамалы салқын болады. Күндіз +8 +13 градус, ал түнде -2+3 градусты көрсетеді».
Шынар Оразова
