Қоғам арасында сыбайлас жемқорлыққа қарсы мәдениетті қалыптастыру мақсатында «Шымкент-адалдық алаңы» жобалық кеңсесі қала мектептерінің оқушыларымен кездесу ұйымдастырды. Алдын алу жұмыстарына қалалық білім беру мекемелерінің директорларымен жақында өткен жиналыс себеп болды.
Жастардың бойында адалдық, парасаттылық және өзін-өзі дамытуға бағытталған адами қасиеттерді тәрбиелеуге бағытталған «адалдық дүкендері» табысты жұмыс жасайтын №9, №20 және №26 мектептер кездесу алаңына айналды.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Шымкент қаласы бойынша департаменті Жобалық кеңсемен бірлесе, 6-10 мамыр аралығында Шымкент қаласында «адалдық дүкендерінің» жұмыс істеуіне мониторинг жүргізді. Мониторинг нәтижелері «Integrity Shop» жобасының жүзеге асырылуы қала ұйымдарында сәтті іске асырылғанын көрсетіп, сатып алушылар арасында жақсы пікір қалдыруда.
Оқушылармен сұхбат барысында «Шымкент-адалдық алаңы» жобасының со-кураторы, Департамент басшысы Әли Көмекбаев сыбайлас жемқорлыққа қарсы саясаттың миссиясы қоғамда сенім атмосферасын біртіндеп құру және жастарға өздерін адал адам ретінде анықтауға мүмкіндік беру «деп атап өтті.
«Бейтаныс адамның, бұл жағдайда кәсіпкердің сенімін ақтау қазіргі жастардың мінез-құлқындағы нормаға айналуы тиіс. Сіздер — біздің болашағымызсыздар» — деді Департамент басшысы Ә. Көмекбаев.
Сонымен қатар, модератор өмірінде адал жолмен жетістіктерге жеткен әр түрлі сала өкілдерін мысал ретінде айтып берді.
Айта кету керек, алдағы уақытта Жобалық кеңсе мен Департамент бірлесе кәсіпкерлер мен салық саласындағы уәкілетті органдармен кездесу өткізіп, кәсіпкерлік қызметінде «адалдық дүкендерін» пайдалануға дайын кәсіпкерлер үшін бірлескен ұсынымдар әзірлеп, кездесетін кедергілерді талқылау жоспарлануда.
Іс-шараға қатысушылар «Шымкент-адалдық алаңы» жобалық кеңсесінің қызметімен, оның құрамымен және кураторларымен танысты.
Шара соңында оқушылар адал еңбек етуге, оқуға уәде беріп, «адалдық дүкендерін» көптеген ірі кәсіпорындарда ашуға ұсыныс берді.
Кездесуге «Шымкент-адалдық алаңы» жобалық кеңсесінің басшысы Е.Төлебаев, қалалық білім басқармасы басшысының міндетін атқарушы А.Текебаева, директорлар, мұғалімдер мен оқушылар қатысты.
P.S., Шымкент қаласында сатушысыз алғашқы дүкен М.Әуезов атындағы Оңтүстік Қазақстан Мемлекеттік университетінде ашылған болатын. Қазір қалада 100-ден астам мектептерде, 10 колледжде, жоғары оқу орындарында және басқа да ұйымдарда «Адалдық дүкендері» жұмыс жасауда.
«Адалдық дүкені» жұмысы өзіне-өзі қызмет көрсету жүйесі бойынша ұйымдастырылды. Мұнда азаматтар өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысады. Яғни, дүкенде сатушы жоқ, затты сатып алушылар өз-өздеріне қызмет көрсетеді.
