Айлықты 2022 жылға дейін көтеру жоспарланған. ҚР Денсаулық сақтау министрлігі мен медициналық қызметкерлердің кәіподағы 2023 жылға қарай жалақыны екі есе арттыру туралы келісімге қол қойды, деп хабарлайды zakon.kz.
— Осы жылдар ішінде біз денсаулық сақтау жүйесінде нарықтық бәсекелестікті дамытуға бағытталған мақсаттағы жүйелі реформаларды жасадық. Бүгінгі таңда бұл реформалар жүзеге асырылып болды. Нарықта бәсекелестік бар және адами ресурстарды ынталандыру да бір жолға қойылған. Бүгінде емханалар еңбекақы жүйесін өздері таңдайды. Дегенмен бақылау болу керек. Егер, мысалы, жеке клиникадағы жалақы мемлекеттік емделушілерге қарағанда жоғары болса, бұл жалақының өспейтіндігін білдірмейді. Ақша жалақы қорына бағытталуы керек. Оларды әділ бөлу қажет, — деді министр Елжан Біртанов.
Сондай-ақ 1 қаңтардан бастап дәрігерлердің жалақысы орта есеппен 30%, орта медициналық қызметкерлерінің еңбекақысы 20% өсті.
Міндетті әлеуметтік медициналық сақтандыру жүйесінде қаржыландырылатын денсаулық сақтау ұйымдары қызметкерлерінің біліктілігіне байланысты есептеледі.
«Міндетті әлеуметтік медициналық сақтандыру және қызмет жеткізуші арасында келісімшарттар жасадық. Алдағы уақытта ұжымдық келісімшарттарға өзгертулер мен толықтырулар енгізіледі деп күтілуде және медициналық қызметкерлерге жалақының уақытылы берілуі қоғамдық бақылауға алынады. 2023 жылға дейін дәрігерлер жалақысы кем дегенде екі есе өседі», — дейді Денсаулық сақтау саласындағы қызметкерлердің одақ басшысы Бақытжан Тәжібаев.
