Өзбекстандағы Сардоба су қоймасындағы апаттан зардап шеккен Өргебас, Фердауси ауылдары қалпына келтіріліп жатыр. Түркістан облысының әкімі Өмірзақ Шөкеев Мақтаарал ауданындағы құрылыс барысын бақылап, атқарылып жатқан жұмыстармен танысты.
Қазір 4 мыңдай халқы бар елді мекендегі 500-ден астам баспана сүріліп, қайта салынып жатыр. Су басудың салдарынан зардап шеккен әр үйдің құрылысына мемлекеттен 17 млн. теңге бөлінген.
Тұрғындар оны 4 бөліп алуда дейді билік өкілдері. Бүгінде құрылысы жүріп жатқан үйлердің қабырғалары қаланып, шатыры жабылып жатыр. Екі ауылға 2 мыңға жуық жұмысшы жұмылдырылған. Әлеуметтік нысандар жөнделіп, инфақұрылым қалпына келтірілуде. Асфальт төсеу жұмыстары тұрғын үйлердің құрылысынан кейін жүргізіледі.
Мақпал Рысбаева
