Көпқабатты тұрғын үйлердің жылу мәселесін арнайы топ тексеретін болады

59

АРНАЙЫ ҚҰРЫЛҒАН ЖҰМЫС ТОБЫ ӨЗ ЖҰМЫСЫН БАСТАДЫ

Шымкент қаласында әлеуметтік нысандар мен көпқабатты тұрғын үйлердің жылу мәселесін зерттеуге арналған жұмыс тобының алғашқы отырысы өтті.

Құрамында жобалаушы-құрылысшы, аудан әкімдіктерінің мамандары, «Қуатжылуорталық» мекемесінің жауапты мамандарынан құрылған топ көпқабатты тұрғын үйлердегі жылу мәселесін зерделейді.

Жиында қала әкімінің орынбасары Мәулен Айманбетов тұрғындармен кездесіп, жылу өлшеуіш арнайы құралдарының жұмысына сараптама жасап, мән-жайды анықтауды жүктеді. Арнайы жұмыс тобы қала аумағындағы көпқабатты тұрғын үйлерді аралап, жылу жүйесімен жіті танысады.

Нысандардың жылумен қамтылуы талапқа сай келмейтін жағдайда акт түзіліп, тиісті сала басшыларына ұсынылады.

 

QAINAR KÓZШымкент қаласы әкімдігінің баспасөз қызметі