Қала аумағында жүргізушілердің оның ішінде мемлекеттік белгілері шетелдік көлік жүргізушілерінің көлік жүргізу тәртібін жақсарту мен жол-көлік оқиғаларының санын азайту мақсатында ағымдағы жылдың 12-қазанынан бастап «Автомобиль» жедел-профилактикалық іс-шарасы өтуде.

Сондай-ақ жол жүрісі қағидаларын бұзу мен құқық бұзушылықты, әсіресе мемлекеттік белгілері шетелдік көліктердің қатысуымен орын алатын жол-көлік оқиғалары мен құқық бұзушылықтардың алдын алу бойынша рейдтік жұмыстар жүргізілуде.
Іс-шараның 28-күнінде көлік жүргізушілермен жасалған жалпы 19838 әкімшілік құқықбұзушылық анықталды.

Оның ішінде, мемлекеттік белгілері шетелдік көлік жүргізушілермен жасалған 1204 әкімшілік құқықбұзушылық анықталып, 114 автокөлік арнайы автотұраққа қойылған.
Атап айтқанда: ҚР міндетті сақтандыру туралы заңнамасын бұзған – 76 (ҚР ӘҚБтК-нің 230-бабы 2-бөлігі), техникалық байқаудан өтпеген – 87 (ҚР ӘҚБтК-нің 590-бабы 9-бөлігі), ұялы телефон пайдаланған – 52 (ҚР ӘҚБтК-нің 591-бабы), бағдаршамның тыйым салынған белгісіне өту – 18 (ҚР ӘҚБтК-нің 599-бабы) тұлғаға хаттама толтырылды.

Сонымен қатар қозғалыста жаяу жүргіншіге басымдық бермеген – 5 (ҚР ӘҚБтК-нің 600-бабы), қауіпсіздік белдігін тақпау – 80 (ҚР ӘҚБтК-нің 593-бабы 2-бөлігі), авариялық жағдай туындатқан – 3 (ҚР ӘҚБтК-нің 606-бабы), көлік құралын мас күйде басқарған – 2 (ҚР ӘҚБтК-нің 608-бабы), тиісті құжатсыз басқарған – 46 (ҚР ӘҚБтК-нің 612-бабы 1 және 2-бөлігі), жол бетін ластаған – 187 (ҚР ӘҚБтК-нің 630-бабы 1-бөлігі) жүргізуші анықталған. Өзге де құқық бұзушылықтар бойынша – 530 жүргізушіге әкімшілік хаттама толтырылған.

Айта кету керек, іс-шара ағымдағы жылдың 10-қарашасына дейін жалғасын табады. Осындай жедел-профилактикалық шаралар жол-көлік оқиғаларының санын азайтып, алдын алуға септігін тигізеді. Тәртіп сақшылары жол қозғалысының барлық қатысушыларынан жол жүру ережелерін қатаң сақтауды сұрайды.

QAINAR KÓZШымкент қаласы Полиция департаментінің Баспасөз қызметі