Түркістан қаласын дамытудың екінші кезеңі жүріп жатыр

256

Түркістан қаласын дамытудың алғашқы кезеңі аяқталып, жалпы есепте 445 млрд. теңгеге жаңа 251 жоба іске асып, 123 нысанның құрылысы тәмәмдалған. Ал қала дамуының екінші кезеңі 4 аумақта жүзеге асырылмақ.

Бірінші аумақ – 3 самолетке арналған ангар, 400 га қара өрік бағы, 50 га жерге жылыжай, 10 мың бас ірі қара бордақылау кешені, 1 200 бас тауарлы-сүт өндіру фермасы салынады.

Ал екінші аумаққа – Әкімшілік-іскерлік орталығында теннис орталығы, мұз сарайы, ат-спорт кешені, демалыс орындары кіреді. 3-аумақта спорттық кешен, «Яссы» желілік саябағы, ірі сауда орталықтары, универститеттік ботаникалық бақ салынады.

Сондай-ақ, 4-аумақта мәдени-рухани орталықта Күлтөбе қалашығының тарихи нысандарын қалпына келтіру, «Әзірет Сұлтан» музей-қорығының аумағын абаттандыру жоспарланып отыр.

Гүлдана Дәурен