Әлемде қант бағасы қымбаттауы мүмкін

0

Әлемде қант бағасы қымбаттауы мүмкін. Бұған Үндістанның экспортты шектеуі себеп. Ал үнді үкіметі ішкі нарықтағы қымбатшылықтың алдын алу үшін осындай қадамға барған.

Жаһандағы ең ірі экспорттаушылардың бірі 6 жылдан бері алғаш рет сыртқы сатылымды кідіртіп отыр. Яғни, қыркүйекке дейін мемлекет бар-жоғы 8 млн тоннасын сатуы тиіс еді. Алайда жасалған келісімдер қазірдің өзінде 7 млн-нан асқан. Демек, алдағы үш айда экспорт тоқтайды. Бұған дейін де әлемдегі қант құны соңғы 5 жылдағы ең жоғары көрсеткішке жеткенін айттық.

Ол кезде Бразилияның өндірісті азайтуы әсер еткені белгілі. 23 мамырдан бастап, Қазақстан аумағынан да 6 ай мерзімге қант пен шикі қантты алып шығуға тыйым салынды. Ал ауыл шаруашылығы министрлігі қант импортын 32 процентке төмендететінін мәлімдеді.

Шынар Оразова