Электромобиль сатып алушыларға жеңілдіктер жасалады

36
фото techgenez.com

Ірі корпорациялар мен байларға салынатын салық артып, электромобиль сатып алушыларға үлкен жеңілдіктер жасалады. АҚШ Сенаты климаттың өзгеруімен күрес және инфляцияны азайту туралы арнайы заң қабылдап, оны жүзеге асыру үшін бұл мақсатқа 430 миллиард доллар бөлуге келісті.

Қаржының қомақты бөлігі парниктік газдардың таралуын 2030 жылға дейін 40 пайызға төмендетуге бағытталады. Егер америкалықтар электромобиль сатып алса, мемлекет 7500 долларға дейін салықтық несие береді, бұдан бөлек, күн батареяларын орнатқан үйлерге 30% жеңілдік жасалады.

Бұған кететін шығын ірі корпорациялар мен байлардың есебінен жабылмақ. Нақты айтқанда, жылына 400 000 доллардан аса табыс табатындар мен алпауыттар ең аз дегенде 15 пайыз корпоративті салық төлейді.

Шынар Оразова