Төлеби ауданы ет өндіруден облыс бойынша үздік атанды

7

Төлеби ауданы 10 айдағы көрсеткіші бойынша облыстағы «Ет өндіруден», «Жылқы шаруашылығын дамытудан», «Мақсары өндіруден» озат атанды.

Оған қоса биыл ауыл шаруашылық саласының өнім көлемі 52 млрд 872 млн теңгені құрады. Ал нақты көлем индексі 103,6 пайызға жетті. Оның ішінде: мал шаруашылығының үлесі 28,9 млрд теңге болса, егін шаруашылығы 23,9 млрд теңге табыс әкелді.

Аймақта ауыл шаруашылығында суармалы жердің көлемі 165 гектарға жетті. Ал тамшылатып суғару тәсілі 159 гектар аймақта жүзеге асады. Сонымен қатар, биыл 100 га жер 1 алқаптан 2-3 өнім алу жобасына қолданылған.