Жалға берілетін тұрғын үйді сатып алудың жаңа шарттары белгілі болды

29

Жалға берілетін тұрғын үйді сатып алудың жаңа шарттары белгілі болды. Индустрия және инфрақұрылымдық даму министрлігінің мәліметінше, кезекте тұрған азаматтар үшін баспана бастапқы жарнасыз беріледі.

Пәтер жалдау ақысы 3,1 пайыздан аспайды. Демек айына 70-80 мың теңге шамасында. Жалдамалы үйді 20 жыл ішінде сатып алуға болады. Қазақстан тұрғын үй компаниясы алдағы уақытта тағы баспана сатып алуды жоспарлап отыр.

Бағдарламаға үй алуға кезекте тұрған әлеуметтік осал топқа жататын азаматтар қатыса алады. Бүгінге дейін 35 мыңнан аса өтініш қабылданған. Оның 8400-і мақұлданды.