23 желтоқсанда 41 мұнай кеніші аукционға шығарылады. Бұл жайында Үкімет отырысында Энергетика министрі Болат Ақшолақов мәлім етті.«Министрлік жыл сайын бірінші кезекте мұнай мен газға геологиялық барлау жұмысын жүргізуге бағытталған электронды аукциондар өткізеді.
22 шілдеде 21 учаске бойынша бір аукцион өтті, онда 24 млрд теңге сомасына ең төменгі жұмыс бағдарламасымен 12 млрд теңге мөлшерінде рекордтық қол қою бонусы алынды», – деді министр.
Сондай-ақ, ол келесі аукицонның қашан өтетінін айтты.«23 желтоқсанда геологиялық қоры 63,5 млн тонна болатын 41 учаскені пайдалану құқығын беруге және 60 млрд теңге сомасына ең төменгі жұмыс бағдарламасына кезекті аукцион өткізіледі», – деді Болат Ақшолақов.
