Гүлмира Сатыбалдыға қатысты тергеу аяқталды

49
Тергеу абақтысы
Антикор Гүлмира Сатыбалдыға қатысты кәсіпорындардың қатысу үлестерін заңсыз иемденудің, соның ішінде адам ұрлаумен ұштасқан екі фактісі бойынша тергеуді аяқтады.Жәбірленушіге келтірілген залал сомасы 6,6 миллиард теңгеден асады. Тергеу сатысында мемлекетке келтірілген залал толығымен өтелді.
15 желтоқсанда қылмыстық іс айыптау актісімен бірге прокуратураға күдіктілерді сотқа беру туралы мәселені шешу үшін жіберілді.Гүлмира Сатыбалды, оның бақылауындағы «Ария-Жаңа Астана» ЖШС компаниясының басшылығы және мемлекеттік органдардың лауазымды тұлғалары объектілерді салуға бөлінген бюджет қаражатын ұрлады деген күдікке ілінді.Осы факт бойынша сотқа дейінгі тергеу аяқталып, іс күдіктілер мен олардың адвокаттарына танысу үшін берілді.
Гүлмира Сатыбалдыға қатысты бизнесті басып алудың және заңсыз бас бостандығынан айырудың басқа эпизодтары бойынша тергеу жалғасып жатыр.
Айта кетері, Гүлмира Сатыбалды – Нұрсұлтан Назарбаевтың немере інісі Қайрат Сатыбалдының бұрынғы әйелі.