«7-20-25» бағдарламасы бойынша 873 млрд. теңгеге ипотекалық несие берілді. Бағдарлама арқылы 65 500-ден аса азамат кредит алған. Астана қаласында 23 мың, Алматыда 13 мың, Шымкентте 5 мыңнан аса адам баспананы 7 пайызбен ипотекаға алуға өтініш берген.
Биыл бағдарламаға тағы 100 млрд теңге бөлінгенін бұған дейін Ұлттық банк өкілдері хабарлаған. Статистика бюросының дерегінше, қазір нарықта жаңа үйлердің бағасы 20-30 пайызға өскен. Сарапшылар бұған жеңілдетілген несие арқылы баспана сатып алуға сұраныстың көбеюі ықпал етті деп санайды.
