Сайрам аудандық сотында алаяқтық, яғни бөтеннің мүлкін сенімді теріс пайдалану фактісі бойынша қылмыстық іс қаралды. Қазақстан Республикасының Қылмыстық Кодексінің (бұдан әрі – ҚК) 190-бабының 1-бөлігінде көзделген қылмыстық құқық бұзушылықты жасағаны үшін айыппен сотқа берілген.
Сотталушы Г. 2022 жылғы 2 қазанда сағат 12:00 шамасында Сайрам ауданы, Қарабұлақ ауылы, Рүстемов көшесі бойында жәбірленуші Н.-ға баласына әскери билет жасап бере алатынын алдап айтып, оның сенімін теріс пайдаланып, жәбірленушіден қолма-қол 140 000 теңге талап еткен.
Одан әрі жәбірленуші Н. сотталушы Г.-ның сөзіне сеніп, оған 140 000 теңге ақша берген. Жәбірленушіден ақша алған сотталушы Г., ақшаны өз меншігіне имденіп іс-түссіз кетті. Жәбірленушіге 140 000 мың теңге ақшасын алаяқтық жолымен жымқырып, оған материалдық залал келтірген.
Сот үкімімен сотталушы Г. кінәлі деп танылып, оған 1 (бір) жыл мерзімге бас бостандығын шектеу жазасы тағайындалып, үкім заңды күшіне енгеннен кейін 10 (он) тәулік ішінде пробация қызметіне есепке тұру міндеттелді.
Үкім заңды күшіне енген жоқ.
