Телефонды пайдаланған 243 автобус жүргізушісі анықталды

30

Түркістан облысының полицейлері жол қозғалысы ережелерін бұзудың алдын алу, жол қауіпсіздігін қамтамасыз ету және жолаушылар мен жүктерді тасымалдауды жүзеге асыратын жүргізушілер арасында көлік тәртібін арттыру мақсатында «Автобус» жедел-профилактикалық іс-шарасын өткізді.

Рейд кезінде тәртіп сақшылары автобустардың техникалық жай-күйін, қоғамдық көлік жүргізушілерінің медициналық тексеруден өтуі мен тіркеу құжаттарының болуын тексерді.
«Автобус» іс-шарасының нәтижесінде жолаушылар көлігінің жүргізушілері жол қозғалысы ережесін бұзудың 900-ге жуық құқық бұзушылығын анықтады.
Оның ішінде: жолаушылар мен жүктерді тасымалдау қағидаларын бұзу – 132 жайт, техникалық байқаудан өтпеу-130, автокөлікті заңсыз қайта жабдықтау-27, рейс алдындағы техникалық байқаудан және медициналық байқаудан өтпеу-28, көлікті басқару кезінде телефонды пайдалану-243, маневр жасау қағидаларын бұзу-156, белгіленген жылдамдықтан асып кету – 22, ҚР міндетті сақтандыру туралы заңнамасын бұзу – 44 дерек анықталды.
Сонымен қатар Түркістан облысының полицейлері жүргізушілер мен жолаушыларға сапар барысында жол қозғалысы ережелерін сақтау қажеттілігі туралы түсіндіру жұмыстарын жүргізуде.