Шымкентте тоқтаусыз жауған жауын-шашын салдарынан Абдулабад, Елтай елді мекендеріндегі бірнеше көшені су басты.
Су сору жұмыстарын үйлестіру мақсатында әкімдік, коммуналдық және төтенше жағдайлар қызметінің мамандарымен жедел штаб құрылды. Қала әкімі елдімекендерге барып, жұмыс барысын тексеріп, жауаптыларға жақын арада қолайлы жағдайды қамтамасыз ету жөнінде нақты тапсырмалар жүктеді.
Абырой болғанда зардап шеккендер жоқ. Ал жаңбыр салдарын жоюға төтенше жағдайлар департаменті мен әкімдік тарапынан 100-ден астам қызметкері және 20 техника мен 10 мотопомпа жұмылдырылды.
