Сарыағаш ауданында кәсіпкерлер сарқынды су үшін 38 млн. теңге қаражатты артық төлеген.
Мамандардың сөзінше коммуналдық қызмет көрсететін компания тариф құнын өз бетінше көтеріп жіберіпті. Бұл құқықбұзушылық 2 жылға жуық уақытқа жалғасып келген. Сонымен қатар. жергілікті мекеме 14 елді мекенде де тариф бағасын шектен асырып, тұрғындарға 8 млннан аса шығын келтірген екен. Сондықтан қадағалаушы орган оларға 5 млн. теңгеге жуық айыппұл салды.
«Тариф мөлшерін өз бетінше асыра белгілеу салдарынан 2022-2023 жылдары 14 елді мекеннің 24 025 абоненті жалпы 8 708 289 теңге қаражатты негізсіз артық төлеген. Осылайша кәсіпорын 24 076 тұтынушының құқықтарын бұзған. Кәсіпорын Қазақстан Республикасының әкімшілік құқық бұзушылық туралы кодексінің 164-бабының 5-бөлігі бойынша әкімшілік жауапкершілікке тартылып, 4,7 млн. теңге айыппұл салынды, 2 лауазымды адам тәртіптік жауаптылыққа тартылды.Тұтынушыларға келтірілген залал уақытша өтемдік тарифін енгізу арқылы өтелетін болады», – дейді Сарыағаш ауданы прокурорының орынбасары Асылбек Түршеков.
