Алдағы күндері ауа райы күрт өзгереді. «Қазгидромет» РМК Түркістан облысы бойынша филиалы мамандарының болжамына сүйенсек, алдағы күндері 6,7,8-ші қыркүйекте Түркістан облысы аумағында ауа райы тұрақсыз. Аймақтың солтүстігі мен оңтүстігінде жаңбыр, таулы аудандарда найзағай күтіледі.
Динара Айтмырзаева, «Қазгидромет» РМК Түркістан облысы бойынша филиалының инженер-синоптигі: «Облыстың солтүстігі мен батысында шаңды дауыл тұрады. Өңірдің солтүстік шығысынан тұрған желдің екпіні кейбір жерлерде 20 м/сек жетеді. Ауа температурасы таулы аудандарда +10 +15 градус аралығында, түнде сынап бағанасы +2 градусқа дейін төмендейді деп күтілуде. Күндіз ауа температурасы шамамен +22 +27 градус аралығында, таулы аудандарда +18 градусқа дейін төмендеуі ықтимал».
