Шымкенттік полицейлер 31 азаматты басқарма ғимараттарында заңсыз ұстаған. Олар қылмыстық қудалау органдарының мекемелерінде 3 сағаттан артық отырған. Мегаполис прокурорлары жыл басынан бері заңсыз ұсталған 31 тұлғаның босатылғанын және осы жайттарға қатысы бар деген 27 лауазымды тұлғаның тәртіптік жазаға тартылғанын мәлімдеді.
Жанерке Атықаева, Шымкент қаласы прокуратурасының өкілі: «Біз Қылмыстық-процестік заңнамасының мүлтіксіз орындалуына ұмтылуымыз керек, азаматтардың құқық қорғау органдарының ғимараттарында бір минуттан аса негізсіз болуына жол берілмеуі керек және олардың құқықтарын бұзғандар үшін салдары болады. Бұл бағыттағы жұмыстар жалғасуда»
