Оңтүстікте мамандандырылған халыққа қызмет көрсету орталығы ашылғалы бері көлік иелері 100-ден астам VIP-нөмір сатып алған. Бұл туралы облыстық ішкі істер департаментінің өкілдері хабарлады.
Бұл орталықта қыркүйектен бері автоәуесқойлар жүргізуші куәлігін алып, көлігін тіркеу секілді көптеген қызметті пайдалана бастады. Айта кету керек, арнайы орталықта берілген ерекше тіркеу нөмірлерінің әрқайсысының бағасы 300 мың теңгеден 500 мың теңгеге дейін.
Күзден бері 16 мыңнан астам көлікке құжат берілсе, 6500 адам жүргізуші куәлігін алды. Мұндағы полицейлер тұрғындарға қызмет көрсетуге 2 сағат қана уақыт кетеді деп, қуанып отыр.
