Шымкентте мемлекеттік қызметшілер марапатталып, ант қабылдады

766
Шымкентте мемлекеттік қызметшілер марапатталып, ант қабылдады

Шымкентте мемлекеттік қызметшілер күніне арналған мерекелік іс-шара өтті. Онда үздік қызметкерлер қала әкімінің алғысын алып, бірқатары салтанатты түрде ант қабылдады. Сондай-ақ, әкімдік қызметкерлері ән мен жырдан шашу шашып, өнерден де кенде емес екендерін байқатты.

Шымкентте мемлекеттік қызметшілер марапатталып, ант қабылдады

Әртүрлі деңгейдегі 300-ден астам шенеунік бүгін мерекелік жиыннан табылды. Шаһар басшысы «бір терінің пұшпағын илеп жүрген» әріптестерін құттықтап, алғысын жаудырды. Бұл салада табыс табуды көздегендерге жол жоқ екенін, басты міндет елге қызмет екенін ескертті.

Шымкентте мемлекеттік қызметшілер марапатталып, ант қабылдады

Айта кетейік, бүгінде Шымкентте 500-ге жуық мемлекеттік қызметші еңбек етуде. Биыл «Б» корпусындағы 369 мемлекеттік қызметшінің барлығы да аттестациядан өтіп, өздерінің біліктілігін дәделдеді. Сол үздік мамандардың бірқатары бүгін қала әкімінің алғыс хатына ие болды.

Шымкентте мемлекеттік қызметшілер марапатталып, ант қабылдады

Тағы 10 қызметкер «Мемлекеттік қызмет туралы Заңға» сәйкес салтанатты түрде ант қабылдады. Бұл күні кеңселік стилін сахналық костюмдерге алмастырған шенеуніктер өнерден де құралақан емес екенін байқатты. Келгендерге көтеріңкі көңіл-күй сыйлап, әуезді әннен шашу шашты.

Шымкентте мемлекеттік қызметшілер марапатталып, ант қабылдады

Мақпал Рысбаева