Халыққа қызмет көрсету орталықтарында құжаттандыру және азаматтарды тұрғылықты жері бойынша тіркеу демалыс күндерінде де жүзеге асырылады.
Көпбалалы және аз қамтылған отбасыларға арналған арнайы көмекті алу үшін жер-жерде тіркелу жүріп жатқаны белгілі. Халыққа қызмет көрсету орталықтарына өтінішпен кеп жатқандардың легі көп болуына байланысты құжаттарды қабылдау және тіркеу 1-ші сәуірге дейін алдағы демалыс күндерде де жүзеге асырылады.
Ұзын-сонар кезекті болдырмау үшін жер-жердегі ХҚО-ларда миграциялық қызмет өкілдерінің саны көбейтілді. Тұрғылықты жерге тіркелу және жеке куәліктерді рәсімдеу бойынша азаматтардан құжаттарды қабылдау күн сайын 9.00 ден 20.00-ге дейін жүргізіледі.
