Медицина қызметкерлерінің салғырттығынан зардап шеккен 10 айлық сәбидің отбасына барған қалалық денсаулық сақтау басқармасының басшысы Асхан Байдуалиев жұқпалы аурулар ауруханасында болған келеңсіз жағдай үшін жеке өзінің атынан және медицина қызметкерлерінің атынан баланың ата-анасынан кешірім сұрап, әрдайым көмектесуге дайын екенін жеткізді.
Сондай-ақ, баланың толық оңалту емін алу үшін басқарма тарапынан барлық жағдай жасалатындығын айттып, бұл мәселені жеке қадағалауына алатындығын атап өтті.
Еске сала кетейік, осыдан бір ай бұрын қалалық жұқпалы аурулар ауруханасында медбике 10 айлық нәрестеге клизманы ыстық сумен жасаған. Салдарынан бала күйік жарақатымен аурухананың жансақтау бөлімінен бір-ақ шықты. Кейін сәби санавиациямен Алматыдағы Педиатрия және балалар хирургиясы ғылыми орталығына жеткізіліп, 21 күн ем қабылдап толық сауығып шықты.
Қазір шымкенттік дәрігерлер балақайдың жағдайын күнделікті бақылап тұру үшін арнайы үйіне барып медициналық тексеріс жұмыстарын жүргізуде.
