45 жастағы Елдос Сағиев Шымкент қаласының прокуроры болып тағайындалды. Тиісті бұйрыққа Бас прокурор Мемлекет басшысымен келісім бойынша қол қойды.
2026 жылдың 9 ақпанында Қазақстан Республикасы Бас прокуратурасының Telegram арнасында хабарланғандай, 3-сыныпты мемлекеттік әділет кеңесшісі Елдос Әлиханұлы Сағиев Шымкент қаласының прокуроры қызметіне кірісті.
Елдос Сағиев прокуратурадағы қызметін Ақмола облысының Щучинск ауданы прокурорының көмекшісі болып бастаған.
Ол жылдар бойы Қарағанды облысы бойынша Экономикалық және сыбайлас жемқорлыққа қарсы күрес агенттігінің департаментінде, Қостанай және Маңғыстау облыстарындағы Ұлттық сыбайлас жемқорлыққа қарсы күрес бюросының департаменттерінде және Бас прокуратураның Арнайы прокурорлар қызметінде басшылық қызметтерді атқарды.
2022 жылдың тамыз айынан бастап Бас прокуратураның Сотқа дейінгі тергеу және қылмыстық қудалаудың заңдылығын қадағалау қызметін басқарды.
Қызметтегі жоғары жетістіктері үшін «Ерлігі үшін» медалімен, 2-ші дәрежелі «Айбын» және 2-ші дәрежелі «Даңқ» ордендерімен марапатталған.
