Арыс қаласынан Шымкентті бетке алған көліктерге толы, деп хабарлайды «Отырар» телеарнасының тілшісі. Арыс қаласында болған жарылыстың салдарынан үрейге бой алдырған көпшілік қауіпсіз аймаққа қарай қашуда.
Арыс – Шымкент тас жолы көлік нөпірінен көрінбейді. Аса қажетті құжаттарын ғана алып үлгергендер бала-шағасымен Шымкентті бетке алған.
Еске сала кетсек, бүгін таңертеңгісін 9:20-да Арыс қаласындағы әскери бөлім территориясындағы қоймада жарылыс болып, артынша өрт шыққан. Оқиға орнына Түркістан облысы ТЖД жеке құрамының 30 адамы мен 8 дана техникасы тартылған.
