Тамыз айына ауа-райы болжамы

268
орталық саябақтағы жөндеу жұмыстары тамызда аяқталады

Аптап ыстық жаздың соңында басталады. Бұл туралы еліміздің бас гидрометерологы мәлімдеді. Сөзінше, күннің қысқаруына байланысты тамыз айы ыстық болады. Бірақ, бұл болжамның еліміздің солтүстік пен шығысына қатысы жоқ. Онда ауа-райы ала бұлтты болмақ. Ал, оңтүстік пен батыста температура көтеріледі деп күтілуде.

Шіліңгір шілде ыстығы тамызда түседі. Осылай деген Қазақстанның бас гидрометеорологы алдағы айға ауа-райы болжамын ұсынды. Сөзінше күннің қысқаруына байланысты енді нағыз ыстық басталады. Бірақ, бұл ай бойы қапырық болады деген сөз емес. Ауық-ауық жаңбыр жауып, күннің салқындауы бек мүмкін дейді Данара Әлімбаева.

Данара Әлімбаева, «Қазгидромет» РМК директоры: «Ауа температурасы норма шамасында болатынына қарамастан, ауа массаларының жиі алмасуына қарамастан жауын-шашынсыз ыстық күндер мен салқын жауынды күндер қатар болады. Тамыз айында жауын-шашын мөлшері републиканың басым бөлігінде норма шамасында күтіледі. Республиканың оңтүстігінде норма. Екі, тоғыз мм».

Бұдан бөлек, ауа-райын болжау орталығының басшысы алдағы екі күн температурасын сипаттап берді. Сөзінше, ел солтүстігі мен шығысында жаңбыр жауып, күн салқындаса, оңтүстік пен шығысқа керісінше градус көтеріледі.

Данара Әлімбаева, «Қазгидромет» РМК директоры: «Алдағы демалыс күндері 24-26 шілде демалыс күнде ауа-райы болжамына келетін болсақ… Оңтүстік, оңтүстік шығыста 30-39 градус. Маңғыстаудың оңтүстігінде 43 градусқа дейін ыстық ауа-райы сақталады. Қазақстанның шығысында 25 градус, оңтүстік өңірінде 33-градуске дейін барады».

Ал, еліміздің бас қаласында бұршақ жауып, күн күркіресе, Алматыда найзағай ойнап жел екпіні күшеймек.

Назерке Үкібасова