фото 24.kz

Шымкентте парақорлар көшінен білім, денсаулық, құқық саласының қызметкерлері кетер емес. Осылай деген қаланың сыбайлас жемқорлыққа қарсы іс қимыл департаментінің басшысы 9 айды қорытындылады. Сөзінше осы аралықта 36 қызметкер ауызбастырық алам деп абақтыға жабылған. Жалпы қозғалған қылмыс саны -102.

Айта кетейік, қазір қаладағы қос мектеп директоры пара алды деп жауапқа тартылып жатыр. Оның бірі №34 жалпы орта мектебінің басшысы. Ол карантин кезінде мұғалімдерді ақысыз демалысқа жібергені үшін күдікке ілінген. Ал, сәулет және құрылыс басқармасының басшысы 498 млн. теңге жымқырды деп айыпталуда.

Сондай-ақ, жуық арада 25 млн. теңге жымқырды деп күдікке ілінген облыстық балалар ауруханасының бас дәрігері мен есепшісіне қатысты сот үкімі шықпақ. Ал, ардан аттағандарды құрықтауға көмектескен 5 шымкенттікке 1 млн. теңгеден табысталыпты.

                                                                                                 Назерке Үкібасова