12- 17 қаңтар аралығында  Қарағандыда үстел теннисінен Қазақстан чемпионаты  өтеді. Бүгін Шымкент қаласының  қыздары командалық есепте 3- орын алып, Чемпионаттың қола жүлдегері атанды. Олар – Бахыт Анель, Миркадирова Сарвиноз, Шапей Таңшолпан, Азатова Озода және Усипбаева Аида.

Естеріңізге сала кетейік, 12-ші қаңтарда Қарағандыда үстел теннисінен Қазақстан чемпионаты бастауын алды. Шымкенттік ерлер құрамасы командалық есепте ширек финалға жолдаманы жеңіп алды. Ширек финалда біздің спортшылар – Жамал Бекұлан, Әкімәлі Бақдаулет, Артукметов Ирисбек, Алтай Азамат пен Ирисалиев Сарвар Жамбыл облысының спортшыларымен кездеседі.

Чемпионат ары қарай жекелей есепте, ерлер мен қыздар жұптық есепте және аралас жұптық есепте жалғасады. Ересектер арасында Чемпионатқа 15 команда қатысуда. 17-ші  қаңтарда финалдық ойындар және марапаттау жоспарланған.

Айта кету керек, біздің спортшыларды Қазақстан Чемпионатына Шымкент қаласының Үстел теннисі федерациясының президенті Асқар Тұрысбеков дайындады. Артылған сенім мен төккен тер ақталды.

Шынар Оразова