Қазақстанда сәбіз қымбаттады. Осы жылдың 5 айында сәбіз бағасы екі есеге артқан. Себебі жергілікті нарыққа жаңа өнім әлі шығарылмаған. Ал сөрелерде өткен жылғы сәбіздер мен Өзбекстан өнімдері тұр.
Биыл Қазақстанда сәбіз жинау науқаны бір айға кейінге қалдырылды. Себебі ауа райының қолайсыздығына байланысты салмақ жинай алмаған. Сәбіз піскен күннің өзінде де фермерлер мол өнім күтпейтінін айтады.
«Ескендір» шаруа қожалығының бір гектар алқабында cәбіз өсіріледі. Диқандар биыл егін жинау науқаны кешеуілдейді деп отыр. Егер былтыр сәбізді шілде айында теріп алған болса, биыл егін тамызда жиналады. Барлығы ауа райы жағдайына байланысты болып отыр екен.
Ташнияз Анарметов, шаруа: «Биыл көктемде жаңбыр жауды, ал қазір аптап ыстықта нағыз керек кезінде жаумады. Егер жаңбыр жауып тұрса, сәбіз салмақ жинар еді. Ал қазір олар тіпті кішкентай. Сатуға жарамайды».
Түркістан облысының Сайрам ауданы — Қазақстан нарығына сәбізді жеткізіп беруші басты нүктелердің бірі. Бірақ биыл шаруалар мол өнім күтпейді. Өткен жылы бір гектардан 40 тоннаға дейін сәбіз жиналған болса, ал биыл шаруалар кем дегенде 30 тонна жинасақ та жақсы болар еді деп отыр.
Әмзе Калмұратов, «Ақсу» МКК директоры: «Сайрам аймағында түрлі көкөністер өсіріледі, шамамен 200-300 га жер сәбізге беріледі. Біздің барлық шаруа қожалықтарымыз суармалы сумен қамтамасыз етілген, биылғы жылы өнім жаман емес, бірақ жақсы кездер болды».
Қазір қазақстандық нарықта алдыңғы егін науқанынан қалған өнімдер сатуда. Сонымен қатар, маусымаралық кезеңде осы бір тамырлы дақыл елге Өзбекстаннан әкелінеді, ал онда сәбіз бағасы бірден екі есеге өсті. Көрші елдің шенеуніктері де бәріне ауа райының қолайсыздығын кінәлап отыр. Шымкентте супермаркеттерде, базарларда орта есеппен сәбіздің әр келісі үшін шамамен 500 теңге сұрайды. Жергілікті әкімшілік бағаны ұстап қалуға тырысып отырмыз дейді.
Айбек Сәттібаев, Шымкент қаласы әкімінің орынбасары:» Біз бүкіл қаланы қамтығымыз келетін ірі сауда желілері, жылжымалы пункттер және әлеуметтік дүкендер бар, осындай шағын дүкендерде біз атап өткен өнімдер бар. Сонымен қатар, біз жәрмеңкелер өткізіп тұрамыз, Түркістан облысынан келген фермерлер бізге келіп, жәрмеңкеге өз өнімдерін қояды».
Сарапшылар енді сәбізді бұрынғы бағада сатылмайды деп отыр, нарыққа жаңа егін науқанының өнімі шыққан кезде баға төмендейді, бірақ ұзақ емес.
Өткен жылы әрбір қазақстандық жылына шамамен 16 келі сәбіз тұтынған, ал бұл 2019 жылмен салыстырғанда аз. Биыл ел тұрғындарына сүйікті палауынан бас тарта тұруына тура келетін сияқты. Өйткені, сүйікті тағамдарды дайындау қалтаға салмақ салайын деп отыр.
