Шымкент биыл «Қарапайым заттар экономикасы» жобасын субсидиялау бойынша алдыңғы қатарда келеді. Аталған бағдарлама бойынша жалпы сомасы 50,6 млрд. теңге болатын 65 жоба қаржыландырылды.
Жобаның негізгі мақсаты – ішкі нарықты отандық өнімдермен толықтыру, бәсекеге қабілетті өндіріс орталықтарын ашу. Қала әкімінің орынбасары Айбек Саттыбаевтың айтуынша, биыл осы бағдарлама аясында 80 жобаның банк несиелерін субсидиялау, 20 жобаны кепілдендіру қолға алынды.
Бұл мақсатта бюджеттен 83,4 млрд. қаржы қаралды. Президент Қасым-Жомарт Тоқаевтің жолдауына сәйкес, аталған бағдарлама мерзімі 2022 жылға дейін созылу туралы шешім қабылданды.
Диана Біржанова
