Ресей Еуразиялық экономикалық одаққа мүше елдерді астық экспортына уақытша шектеу қоюға шақырды.
Еуразиялық экономикалық комиссия өткен аптада жиын өткізіп, үшінші елдерге тауар сатуға квота мен баж салығын енгізу туралы айтқан. Жалпы одаққа мүше елдер былтыр тамызда бидай, арпа, жүгері мен басқа да бірқатар тауар экспортына шектеу қоюдың бірыңғай тәсілін енгізуді жоспарлаған. Бірақ бұл идея жүзеге аспады. Қазір тауарға шектеуді Беларусь ғана толық енгізіп отыр.
Армения мен Қырғызстан дайындық үстінде. Алайда Еуразиялық экономикалық комиссия өкілдерінің хабарлауынша, Қазақстан астықты шетелге экспорттауға ниетті. Биыл еліміз 2 млн тонна бидайды шетелге саудалады. Көбін Өзбекстан, Иран, Ауғанстан сатып алған.
Шынар Оразова
