Футболдан Әлем чемпионаты өтетін Қатардағы екі халықаралық әуежай күніне 900-ден астам ұшақ қабылдауға дайын. Қажет болса, терминалдар қосымша рейстерді де қосуға әзір. Ал кеше Хамад халықаралық әуежайында чемпионат меймандарына ойын-сауық бағдарламасын ұсынатын арнайы аймақ ашылды.
Шараға FIFA президенті Джанни Инфантино барған. Жалпы, дүниежүзілік доп додасын тамашалау үшін Қатарға 1 млн 200 мыңдай жанкүйер бармақ. Бұл чемпионатты Ұлттық арна мен «Qazsport» арнасы тікелей эфирде таратады.
