Энергетика министрлігі мұнай өнімдеріне белгіленген шекті бағаға қатысты қаулы жобасын көпшілікке ұсынды. Жоба «Ашық НҚА» порталында жарияланды. Құжат 2023 жылғы 3 қаңтарға дейін талқыланады.
Жарияланған жобаға сәйкес, маркалы бензиннің бағасы тұрақты деңгейде қалады. Атап айтар болсақ, Аи-80 – 89 теңге деңгейінде болады. Ал Қостанай және Солтүстік Қазақстан облыстарында Аи-92 және Аи-93 маркалы бензиннің бағасы 1 литріне 187 теңге. Қазақстанның басқа облыстарында 1 литріне 182 теңге, дизель отынының бағасы 1 литріне 450 теңге.
Сондай-ақ елде берілген жүргізуші куәлігін көрсеткен кезде дизель отынының лимиті өңіріне қарай күніне 100 литр көлемде бір литріне 230-260 теңге бағамен белгіленген.
Қазақстан Республикасында көлік құралдарын тіркеу туралы куәлікті көрсеткен кезде жүк, арнайы, мамандандырылған автомобильдер мен автобустар үшін бекітілген лимит 300 литр үшін тәулігіне өңіріне қарай 1 литр үшін 230-260 теңге бағамен жіберіледі.
Қалған санаттағы адамдарға, сонымен қатар дизель отынын көрсетілген лимиттерден артық сатып алған кезде 1 литріне 450 теңгеден алуға рұқсат.
