Коллекторлық компанияларға салынатын айыппұл мөлшері екі есе көтерілмек. Қаржы нарығын реттеу және дамыту агенттігі жазаны күшейту арқылы борышкерлердің құқығын қорғауды көздеп отыр.
Өйткені коллекторларға шағымданушылар азаймай тұр. Былтырлары мыңнан астам адамнан арыз түскен. Тексеру кезінде қарыз өндірушілер клиенттерге қысым көрсетіп, қорқытатыны, балағаттайтыны анықталған. Енді мұндай әрекеті үшін 345 мыңнан бастап миллион теңгеге дейін айыппұл арқалауы мүмкін.
Яғни, оның мөлшерін екі есе көбейту көзделген. Қазір тиісті құжат ашық талқылауға шығарылған.
