Несиені алып, оны мерзімінде төлей алмаған отандастарымыздың қатары көбейген. Қазақстан Ұлттық банктің мәліметінше, қазір жеке азаматтардың қарызы 8 трлн 200 млрд теңгеге жеткен.
Былтырдан бері 6.5 пайыз, яғни, берешектің сомасы 500 миллиардқа көбейіп отыр. Тұтынушылық несие алушылардың көбі алматылықтар. Одан кейін Астана мен Шымкент тұрғындары. Қарызын 90 күннен кешіктіріп төлемей жүргендер де көбейген. Мерзімі өткен мұндай несие көлемі жыл басынан бері 49 миллиардқа артып, 404 млрд теңгеге жетті.
