Жоғары білім және ғылым форумында Үкімет басшысының орынбасары – Еңбек және әлеуметтік қолдау министрі Тамара Дүйсенова университет оқытушыларына жалақы төлеудің жаңа жүйесін енгізу қажеттігін айтты.
Оның өзгеруі маманның құзыретіне, жұмыс нәтижелеріне байланысты болмақ. Жиында түлектерді жұмыспен қамту тетіктері де сөз болды. Өткен жылы 30 мыңдай түлекке еңбек нарығында сұраныс болмаған.
Яғни, әрбір бесінші азамат мамандығы бойынша жұмысқа тұрмады. Айта кетейік, қазір елімізде 626 мыңдай студент бар. Аудитория мен жатақхана тапшылығын шешу үшін кешенді іс-шаралар қолға алынбақ.
