Жұмыртқаның бағасы шарықтап барады. Вице-премьер – сауда және интеграция министрі Серік Жұманғарин жұмыртқа бағасы неге өсіп жатқанын түсіндірді. Министрдің айтуынша, қазір он дана жұмыртқаның бағасы 600 теңгеден асады.
«Қазір бізді алаңдатып отырған жалғыз мәселе – жұмыртқа бағасының өсуі. Біз қазір мұнымен жұмыс істеп жатырмыз. Жұмыртқа қатты қымбаттап барады. Біз талдау жүргіздік, жергілікті жерлерде құрамына бірқатар мемлекеттік орган кірген комиссиялар құрылды», – деді Жұманғарин үкіметте өткен брифингте.
Министрдің айтуынша, құс фабрикаларының бәрі делдал арқылы жұмыс істейді. Олардың көбі – жеке тұлғалар.
«Бұл түсінікті де, өйткені олар жұмыртқа үшін кэшті бірден төлейді. Ал содан кейін схема басталады. Қазір мұнымен монополияға қарсы комитет айналысып жатыр. Бірақ бұл ұзақ уақытты алады», – деді вице-премьер.
Жұманғариннің айтуынша, жұмыртқа әлеуметтік-кәсіпкерлік корпорациялары құс фабрикаларынан тікелей сатып алуға тиіс тауарлар тізіміне енгізілді. Яғни, әлеуметтік-кәсіпкерлік корпорациялары құс фабрикаларынан жұмыртқаны ақша төлеп, тікелей сатып алады.
