Маңызды жолда өзге көліктерге авариялық жағдай туғызған жүргізуші жауапқа тартылды. Тәртіп сақшылары әлеуметтік желіден екі жолақты жолда қос сызықты басып өткен көлікті анықтады. Жол ережесін бұзған «ВАЗ-21060» маркалы көлігінің жүргізушісі жергілікті тұрғын, 19 жасар жігіт болып шықты.
“Аталған жайт бойынша құқық бұзушы жас жүргізушіге ҚР ӘҚБтК-нің 596-бабы 3-бөлігімен «Көлік құралын жолдың жүру бөлігінде орналастыру, қарсы жүріп өту немесе басып озу қағидаларын бұзу» әкімшілік хаттама толтырылып, іс-құжаттарды сотқа жолданды.”,- дейді Түркістан облысы ПД баспасөз қызметі.
Полиция қызметкерлерінің айтуынша, Сот 19 жасар жүргізушіге 7 жыл мерзімге көлік басқару құқығынан айыру жазасын тағайындады. Ал автокөлік айыптұраққа қойылды.
