Мақтаарал ауданында оңалту орталығының басшысы мен есепшісі бас бостандығынан айырылды. Олар мүмкіндігі шектеулі балалардың еміне бөлінген 85 млн. теңгені жымқырған. Қылмыскерлер 2018 жылдан бастап мекемеге тиесілі қаржыны қалтасына басып келген.
2024 жылға дейін ай сайын 1С бухгалтерлік базасына жалған мәліметтер енгізіп, мүгедек балалардың қажеттіліктеріне арналған қаражатты өздерінің банк есепшоттарына аударып отырған. Сотта орталық басшысының 35 млн теңге тұратын пәтері тәркіленді.
Гүлзия Қарсыбай, Түркістан облысы тергеп-тексеру департаментінің аға жедел уәкілі: «Қазіргі таңда сот үкімімен аталған оңалту орталығының басшысы 8 жылға бас бостандығынан айырылды және аталған орталықтың бухгалтері 7 жылға қауіпсіздігі орташа мекемеде өтеуге бас бостандығынан айыру жазасы кесілді».
