Шымкентте кәмелетке толмаған балаға қатысты оқиға бойынша қылмыстық іс қозғалды. Қазіргі уақытта қажетті тергеу шаралары жүргізілуде. ҚР Білім министрлігінің Балалардың құқықтарын қорғау комитетінің мәліметінше, балаға қажетті психологиялық қолдау көрсетілуде.
Оқиға анықталғаннан кейінгі алғашқы күннен бастап облыстық балалардың құқықтары жөніндегі комиссар оқиға орнына барды және кәмелетке толмаған баланың анасымен байланыста.
«Баланың қауіпсіздігі мен әл-ауқаты міндетті басымдық болып табылады», — деп атап өтті департамент. Комитет сонымен қатар 2024 жылдан бастап кәмелетке толмағандарға қатысты зорлық-зомбылықтың барлық түрлеріне қатысты заңнама күшейтілетінін атап өтті.
«Физикалық және психологиялық зорлық-зомбылық қылмыстық жазаланады. Мұндай әрбір оқиға уәкілетті органдардың мұқият бақылауында, ал кінәлілер заңға сәйкес жауап береді», — делінген мәлімдемеде.
Еске сала кетсек, кеше 7 жастағы оқушы қызға тиіскен мұғалімнің ұсталғанын жазған болатынбыз. Аталған жағдай жекеменшік мектептердің бірінде орын алған. Кәмелетке толмаған қыз балаға информатика пәнінің мұғалімі тарапынан құқыққа қайшы әрекеттер жасалғаны анықталды.
