Облыстық тарихи-өлкетану мұражайында Қазақстан халықтары тілдері мерекесіне орайластырылған мектепаралық байқау өтті. Бұл байқауды қалалық білім бөлімі аталған мұражай ұжымымен бірлесіп ұйымдастырып отыр. ЕЛ Тәуелсіздігінің 20 жылдық мерейтойы қарсаңында қолға алынған бұл шараға мемлекеттік тілді меңгерген өзге ұлт ұландары білім жарыстырып, бақ сынасты. Тіл мерекесін ұлықтаған байқауда балғындар Абайдың қара сөздері мен ақын-жазушылардың өлең-жырларынан шашу шашты.
