Бүгін Бесінші шақырылған Оңтүстік Қазақстан облыстық мәслихатының кезектен тыс он үшінші сессиясында сөз сөйлеген ОҚО әкімі Асқар Мырзахметов жиналған қауымға қуанышты хабар жеткізді. Асқар Исабекұлы сессия отырысы басталардың алдында ҚР Статистика агенттігінің басшысы телефон шалып, елдегі 11 миллионыншы қазақтың Оңтүстік Қазақстан облысында туылғанын айтып, құттықтағанын айтты. Ол сәби 2012 жылдың 29 желтоқсаны күні Қазығұрт ауданында дүниеге келген.
Сәбидің аты-жөні Мұхтар Әбдірахым. Әкесі Мәлік Боданов, анасы Шолпан Құдырбекова.
